સ્પેનમાં પાંચ લાખ જેટલા ગેરકાયદે માઇગ્રન્ટ્સને રહેવાની મંજૂરી આપવાની સરકારે યોજના બનાવતા દેશમાં રાજકીય વિવાદ પ્રસર્યો છે. આ પ્રકારની યોજના યુરોપ અને અમેરિકામાં લાગુ કરવામાં આવેલી ઇમિગ્રેશનની કડક નીતિઓથી ખૂબ જ વિરોધાભાસ ધરાવે છે. આ યોજના અંતર્ગત યોગ્યતા ધરાવતા માઇગ્રન્ટ્સને એક વર્ષ સુધી રહેવાની અને વર્ક પરમિટ આપવામાં આવશે. સ્થાનિક વિરોધીઓએ અને એલન મસ્કે આ યોજનાની ટીકા કરી હતી, પરંતુ સોશિયાલિસ્ટ વડાપ્રધાન પેડ્રો સેન્ચેઝે આ નીતિનો બચાવ કર્યો હતો.